قصة قصيرة / الحكم الباطل .... بقلم الكاتبه / نسرين عطايا أبو زر

قصه قصيرة بعنوان /الحكم الباطل  

                                                                                             

  بقلم الكاتبة /نسرين عطايا أبو زر

الجزء الأول😀🌷.🔫
سمعت صوت طلقة رصاص قريبة....انفزعت وصحيت مخضوضة.. بس كنت مثل الميتة..
 .جسمي بيوجعني بكل منطقة ..الغرفة معتمة كثيير....ماني شايفة شي..بس كان في صوت موسيقى بعيييد..كأني بسمع عبد الحليم بغني قارئة الفنجان..
 ايه هي الموسيقى...حاولت أقوم لأضوي الغرفة ..بس ماقدرت أسند حالي...

حاولت حرك ايديا ورجليا بس برضو ماتمكنت ..
.قلبي صار يرجف..جسمي كله مقشعر..صرت بدي أصرخ على إمي لتيجي عندي  لتشوف شو صايرلي ومنين اجى صوت طلق الرصاصص ومين بسمع قارئة الفنجان بهالعتمة...بس صوتي مابيطلع..
.تبادر لذهني مباشرة إني بكابوس..صرت حرك بحالي بشكل أسرع؛ لأصحى من الكابوس..
بس مازبط...ليك..هااه.. أنا مو بكابوووس.
.هياتني عام حس انو أصابع ايدي بتحركو.
 ..أخذت نفس عميق وشديت كل جسمي مرة وحدة لأقدر أقوم...بسسس..بس..

...ليك أنا طلعت مو بكابوس...أنا ماني بحلم..لكان شو !!.أنا طلعت مخطوفة..وماني بغرفتي..
.ولي على آمتي ..أنا مخطووفة.
 .ايه مخطوفة..ورابطين تمي بشريطة قاسية..وايدي متربطين بطرف السرير ..ورجليا كمان..يااااربي..لك شو إلي صار..
صرت شدشد بحالي أكثر..وحاول أصرخ بس كان يادوب أحرف تطلع وأنين صوتي
 ..صارو دموعي مثل الشلال ..وصرت أسأل شو جابني لهون..وغرفة مين هاي..ومين الي خطفني وكيف..

حاولت أتذكر أني كنت ماشية بمول العاصمة أنا وإمي ورفيقتي لنتبضع شوية أغراض لعرسي على ابن عمي قبل مانهاجر عأوروبا ونستقر كلنا هنيك ونترك الشام..
بس أنا طلعت قبل أمي بشي مترين ثلاثة من المول وامي كانت ورايا.
.إمي..إمي..لك إمي وينها هلأ..زمانها قلبت الدنيا فوقاني تحتاني لتدور علي....معقول خطفوها كمان..
صرت اخبط وشد بحالي أكثر وأصرخ إمييي ..إمييي..بصعوبة نزاحت القماشة عن تمي.
.وصرت نادي بأعلى صوت ..إمييي وينك إمي.
.
 لك طلعوني من هوون..طلعوني..بكيت كثير بس مايأست وضليت أصرخ بصوت عالي..من يوم يومي بتحكيلي امي لسانك طويل وما بيسكت.

.بعد أكثر من نص ساعة صراخ وجسمي مقشعر ..انطفت الموسيقى..وسمعت خطوات حد بيقترب من الغرفة..كل خطوة كان قلبي ينبض أكثر.. الخوف سيطر عليا..

لحد ما الأكرة انفتحت..وفات ضو كثير علغرفة من الباب ..صرت نزل راسي ماعاد مستحملة الاضاءة اخترقت عيوني..اقترب هالشخص لعندي..وحط ايده عراسي..حاولت ابعدها ورفعت راسي بقوة ..طلعت ايد لوحدة تجاعيد وجهها بيحكي انها فاتت بالخمسينات زماان..

-سميرة : لك انتي مين..ليش جايبيتني هون..طلعيني الله يوفقك..بدي أرجع عبيتنا .
 فريال :--------

سميرة : ليش مابتردي ، انا مابدي ضل هون دقيقة وحدة..فكيني بترجاكي .

قاطعني بالحكي شب فات علغرفة كان طويل وكتافه عراض وأسمراني لكن عيونه مثل البحر و وساع وكلهم أسرار..كان يمشي ببطء كثير..

- خالد :ماتترجي حد ليطلعك... فريال المسكينة ماعم تسمعك..من شي 20 سنة نسيت أصوات العالم .. وفري حنجرتك لبعدين .

سميرة : مين إنت..ليش جبتني لهوون..فكني هلاء ..بقلك فكني.. شو بدك مني ؟!!

خالد : تؤ تؤ تؤ..شوي شوي علي..مين أنا؟..أنا محسوبك خالد..ليش جبتك هون؟

 بعدين بتعرفي..لكن .ماقلتيلي عجبتك الغرفة؟!..فريال الها يومين بترتب فيها لتستقبلك ...

مو هيك فريال..بس هالبيت مثل الناس الوسخين..أبدا مابينضفو بضلو وسخين عطوول .

سميرة : انت ليش بتحكيلي هيك .. انا شو دخلني بهالكلام..أنا بدي أطلع حالا من هون..

وين إمي ورفيقتي..إمييي...يا إميييي..انتي هون إمي !!

- خالد : بكفي صراخ...هص .

- سميرة : مابدي..بدي إمي..امممي وينك..أنا هون إمييي .

خالد : مافي حدا حيسمعك هون..ههههه حكتلك وفري حنجرتك ..

ضليت أصرخ وأبكي وفريال بتطلع فيني وكأنها زعلانة علي..و الشب خالد قاعد عالكرسي جمب التخت وبيطلع فيني كأنه بيتلذذ بصراخي وقهري..

شوي وفات شب تاني أصغر من خالد وأضعف منه وأقصر وعطاله الموبايل ليكلم حدا مهم شكلو .

- خالد : إيه تكرم عينك/..بس شاوري وأنا بجيبلك راسه تحت رجليكي../.ليش مابدك.!!../....بس قولي آه ..وأنا هلاء بخلصلك عليه ماتخافي..
 ..ايه عكيفك..وقت مابدك./... ماشي..ايه الصبية عندي../ماشي ماشي./.سلام .

-سميرة : شو شو حتساوي فيني...أنا الصبية الي بتحكي عني مو..مين دفعلك لتخطفني..لك مين الي دفعتلك إيه ..وراس مين كمان بدك تقصلها اياه ؟! لك حراام عليك .

- خالد : خذ الجوال وما بدي وصيك عالبرج..إيه .

. سميرة: لك حسبي الله ونعم الوكيل فيك و الي بيعمل متلك هيك .

- خالد : بتتحسبني علينا.!!.ليش يا ترى؟؟

- سميرة :ايه انتو..انتو مابتصدقو يصير شي بالبلد..لك طلعوني..عام تستغلو حالة الفوضى الي بتصير في بلادنا..عم تستغلوها لتخطفو.. وتقتلو ..وتنزعو الأولاد من أهاليهم..حسبي الله عليكم .

- خالد : لك هذا احنا!!! معقوول .

- سميرة :ايه انتو ..عام تتنمنو الدمار لبلادنا وتستغلو خوف الكل .

- خالد : ههههههه عام نستغل أوضاع البلد مو!!..ولك الي صار بالبلد نزعلي كل خطتي وخربلي تخطيط سنين..قال نستغل قال..لولا وضع البلد كنت خليتك انتي وأهلك تبكو دم .

- سميرة: شو..شو دم ..لك حرام عليك..طلعني من هون بدي أرجع لعند أهلي..فكلي هالحبل بدي أطلع من هون.

- خالد : ايه دم..فسكريلي تمك وبلا حكي ماله فايدة..اما انك تطلعي من هون ..فإنسي..لساتك ماجربتي شي ؛ لتبكي هيك وتصرخي طلعوني طلعوني ههههههه...مابدي أسمعلك صوت. بكفي.

- سميرة : لك ليييش..أنا شو سويتلك..أنا اصلا مابعرفك لتخططلي..بترجاك طلعني..بترجااك .

- خالد : لسه ماإلك يوم مشرفانا بهالبيت الأثري..شو عطول زهقتي. تؤ تؤ..ربطولي تمها وسكروه مرة تانية ..وجعتلي راسي شو زنانة..لك اه شو حساوي فيكي ..استني عرزقك انتي وأهلك..لساتك ضيفة عندي....
 .......------------------------------------------------------

.....الجزء الثاني.💢💢. ...(حكم باطل)...

سميرة : خالتو فريال الله يوفئك ..طلعيني من هون..إيه بعرف مابتسمعيني.. بس أكيد فاهمة علي .
فريال :--------
 سميرة : لا مابدي هذا الأكل أنا بدي أرجع لعند أمي..زمانها مشغول بالها علي كثير..بترجاكي طلعيني..
فريال :-------
سميرة : خالتو الله يوفئك .. الي 33أيام بهالغرفة قرفت حالي ..أصلا أنا مابلزمكم بشي..بس عام غلبكن وإنتو تجيبولي أكل وتربطولي ايدي بعدها..عام تعبكن أنا ..وأزعجكن بصراخي ليل نهار ...خلص رجعوني وارتاحو مني .
فريال :-------
 سميرة : ياالله شو هالمرة..صافنة وماعام أقدر أتحايل عليها../لكان خلص شو بدكو مني بعدين..أنا مافهماكم لحتى الآن ..لابدكن تموتوني ولا تطلعوني..لكان شو بدكن!!!
فريال :-------
 سميرة : آآخ ياربي ..شو ساوي..أصلا مع مين بتكلم أنا اذا كان ما بتسمعني .

بعد شوي خالد فتح الباب وفات علغرفة .. وفاتت وراه صبية حلوة بس مبين عليها الشقى والتعب .

خالد : هياتها شو صدقتي هلأ اني مامعذبها ؟!.
الصبية اقتربت لعندي واطلعت فيني شوي ودارت ظهرها لترجع .
 سميرة: إيه استنى لكان..مو هاي يلي كلمتها عني بالموبايل..مين إنتي ؟ وشو بدك مني ؟ وليش جبتيني لهون ؟

فردوس :------
 سميرة : هيي عم بحكي معك..لاتمشي هيك..طلعيني من هون ..حرام عليكي..ليش جبتيني هون .

فردوس : إسمعي وليه ..أنا ماجبت حدا ولا قربت عليكي...خالد البنت لسانها طويل باينو .

خالد : الها 3 أيام بتصرخ عصوت واحد ومابتسكت........شو جوزك عرف شي ؟!

فردوس : لاء ..حكتله بدي أشوف خياطة بآخر الضيعة تخيط قماشة فستاني القديم بلاطين للأولاد وأرجع عطول ..

.رضي من باب التوفير عأساس بدفع شي ..

سميرة : إيووووة كمان طلعتي مجوزة...لك ياعيب الشوم عليكي عندك أولاد وبتجي تتقابلي هون مع الشب...

تؤ تؤ كمان طلعتي مانك محترمة بيتك وجوزك وولادك و بتكذبي عليهن لتتسلي..

خالد : سكري تمك اوليه مابسمحلك ..اصحك هاه..اربطيها تمها فريال

سميرة : مابدي حد يقرب عليا..لك اخص عليكي ..الي مثلك مو بعيد عنهم الخطف والكذب عالناس ..لك تفووه عليكن كلكن ..طلعتو متل ماتوقعت..بعدي عني فريال لا تربطيني
.
 فردوس : لك الله لا يكسبك يابعييدة..لك شفت شو طلعتني..طلعتني مرة بلا أخلاق...ولي هذا أخي ..أخي من إمي وأبي..مو حد تاني..لك أخي ياعديمة الاحترام..ايه سكريلها تمها ياخالة..

سميرة : اااه اخوكي..لك بعدي فريااا ..ااه.بعدي.اه

فردوس : مااني مستحملة..اختنقت..ماكان ناقص عليا الا انتي فوق مشاكلي..راجعة عبيتي ؛ هلاء استعوقوني..وخلوها مربطة بلا لسان ..

خالد : يلا فريال..مشي لبرة وتركيها تحكي مع الحيطان... وماتحطيلها أكل لبكرة الظهر لتنهد ..فاهمة علي..ايه .
 ............................................................................................................................................

أم سميرة : شو صار..قدرت تعرف شي ؟؟

فؤاد (أبو سميرة ) : لاء..ما في أي خبر عنها .. فتلت كل مكان ومالقيتها..حتى المستشفيات دورت فيهن ..ماعام يزبط شي معي .

ام سميرة : ولي على آمتي معقول صارلها
شي ..وينك يابنتي..شو عام تساوي هلأ .

فؤاد : ماهو كله من حضرت جنابك مو كنتي معها ..هياتك ضيعتيها وقاعدة تبكي وتنوحي.

ام سميرة : أنا بدي أضيع بنتي الوحيدة..حكتلك مية مرة كنا راح نطلع من المول وهي كانت قدامنا ما بعرف كيف اختفت ..مابعرف ..بعدين كانت معنا رفيقتها سهر ..اشمعنى هي الي انخطفت..ايه اشمعنى .

فؤاد : ليش عام تطلعي فيني هيك..ايه..الحق عليكي بالأول والأخير ..ماكان لازم تتسوقو هلأ..كنتو نطرتو لنسافر وتتبضعو من هيك لجيزتها .

ام سميرة : مابعرف هي الي أصرت تشتري شوية اغراض من الشام قبل عرسها..بركي الشرطة قدرت تعثر عليها بكاميرات المراقبة تاعت المول .

فؤاد : الشرطة صارلها اسبوع وما عرفتلها مكان..والمول طلع مإله كاميرات لكل الشارع،،،،،

الشرطة شافتها بكاميرا الباب انها طلعت وبعدها مافي مجال للصورة .. بعدين هاي مو أول حالة إختفاء من لما بلش الدمار بالبلاد .

ام سميرة : لك آآآآآه يا بعد عمري ااه،،،،شو صار فيها هلاء..لك اسبوع كامل بعيدة عني....

هي مابتقدر تفارقني يوم واحد ..شو صارلك يابنتي ومين أخذك مني.. استودعتك ياالله بنتي...استودعتك يالله..رجعلي اياها سالمة ياالله .

فؤاد : لك بكفي صراخ خليني أعرف أفكر..هلأ صراخك بدو يرجعها لسميرة!!!..ماأنا راح جن عليها..هياتني بعمل اتصالاتي لنشوف .
 ......................................................................

ضليت أكثر من إسبوع ونص على هالحال ..... مربطين ايدي بالسرير....ويفكوهم وقت ييجي موعد الأكل،،،

ولما أشتمهم وأقعد أخبص بلحكي ماتجبلي فريال أكل ولا شربة مي ،،،، بأمر من خالد الي طلع ابن أختها.....وبس تيجي فردوس تشق علي يربطولي تمي عطول // صارو أحيانا يوافقو يطلعوني أقعد بالصالة بعد ماأتحايل عفريال ...وفريال تتحايل عخالد .... بالاسبوع ونص عرفت أشياء كثير عن حياتهن وصرت أنتبه وأصنط و
 وأركز لأسمع شو بيحكو بالصالة.....

عرفت انو فريال غلبانة كثير وقلبها أبيض......مع إنو بتقطع عني الأكل أحيانا...والشب الي جاب الموبايل اول يوم لخالد بكون ابنها...وعايش بنفس البيت بس مابشوفو خالص...يعني كلهم طلعو قرايبين لبعض وانا بنصهم ..

وفردوس أخته لخالد ...طلعت وحدة مظلومة ......فردوس بتخبي عن جوزها جيتها لعندنا ....؛ .لانو عاطل معها كثير وبيضربها...وخافت ينزع خطة خالد اذا عرف شي...

. سمعتها بتشكي لفريال......لانها مابتحب تشكي كثير لخالد.....لانو بعصب بسرعة ودايما بترجاها توافق ...ليخلصها من جوزها أو يعلمه درس علمزبوط.....

بس هي كانت ترفض لأنها خايفة على أولادها يضيعو ويتشتتو مثل ماهي وأخوها ضاعو سابقا.....هيك سمعتها بتحكي لفريال...مابدها تخلي أولادها ضحية أكثر من هيك...مستحملة الذل والبهادل من جوزها كرمال يضل لولادها أب وأم معهن......

..حتى المصاري..مابيعطيها..وبيضربها كثير لتدبر له حق الدخان ..... قعدتي عندهن خلتني أتناسى سبب خطفي الي مابعرفو.....بس عرفت تفاصيل من حياتهم الغريبة.. بس برضو ضل مشغول بالي بإمي....

..........----الجزء الثالث----....💢💢

💢
لما صارلي اسبوعين عندهم مخطوفة......حاولت أعرف سبب وجودي هون....
طلع الأمر متعلق بأبي....إيه... مابعرف شو أبي مساوي بحياته لهدول الناس لينتقمو مني.....أو بالأزبط أنا الوسيلة يلي حيجرحوه فيها ويدمروه .......حاولت أستفسر وأفهم شو دخل أبي الباشا المليونير بهدول الناس الفقراء والي مابعرفهم ....مافهمت

..بس شكلو راح يضغطو على أبي ...وهو حيسمعلهم كرمالي .. مع انو شكلهم مش اجرامي خالص .... صعب تتخيل هيك ناس الهم بالخطف والسلاح بوجوههم البريئة هي ..

بقعدتي الاسبوعين خليتهم يأمنولي كثير....لاني بطلت أصرخ أو أشتم كثير ... ولما يقعدوني بالصالة أقعد بهدوء....وزي ماهم خططولي....أنا كمان خططت لأهرب...بالوقت المناسب👌 .

طلبت من فريال تقعدني بالصالة بدون مايعرف خالد ،،،مو مستاهلة تفيق خالد من نومه لتستأذنه...ماخلص صرنا ثقة....وماخليتها تربط ايدي بالكرسي....... كان كل شي جاهز....
 خالد نايم....فردوس ماإلها عشر دقايق طالعة لبيتها.....وفريال غلبانة وواثقة فيني......والأهم ماني مربطة ....قعدت ساوي حالي أقحقح وإنو انخنقت فجأة وروحي بتطلع..

سميرة : خالة فريال....منشان الله الحقيني بكاسة مي.....خالة الحقيني...اااه .

أول ماوصلت فريال المطبخ..قمت و فتحت باب البيت و ركضت شوي صغيرة..وصفنت بهالمكان .

سميرة : شو شو هاد...انا وين!!...مافي بيوت هوون...مافي حدا أستنجد فيه...

.لك هاي ضيعة قديمة كثير وفاضية وكلها منحدرات....وين أروح أنا.!!..المنطقة أغلبها مكشوفة راح يمسكوني ....صرت أركض بسرعة..مافي حل بديل...وسمعت صوت شب بيزعق من بعيد....شكلو خالد بدأ يدور عليا بالغرف..

...لازم أسرع أكثر من هيك....يااااربي أنقذني....ياااربي..
 ..ليك كأنو في ناس واقفين بعيد ...ايه في شخصين....الحمد لله...لقيت حد ينقذني....

سميرة : ياااااناس ...يا بشر يلي هنيك الحقوني...أنا مخطوفة....سمعوني وصاروا يقربو بسرعة تجاهي...وأنا أركض بسرعة لأوصلهن بدون ماأدري شي .... قربت عليهم....
 سميرة : لك شو ...شو ...انتو شو...حرااام عليكم..

كنت مفكرة اني لقيت حد أستنجد فيه...بس طلع جوزها لفردوس بيراقبها من لما طلعت من بيته وفكرها مثل ماظنيت فيها أول مرة...واستناها عراس الشارع وكان يضرب فيها ويمزعلها شعرها لتدلو عالبيت الي بتصيع فيه .... الاثنين بس شافوني بحلقو فيا...ومش عارفين شو يساوو .

فردوس : لك شو طلعك...الله لايكسبك انتي التانية ...ناقصتك أنا !!!

سميرة : ولا أنا ناقصتك..بعدي من طريقي هلأ .

فردوس : كلها دقايق وبكون خالد هون ... لاتستهبلي ايه .. فلفي معي لنرجع احسلك .

زوج فردوس : لك اخرسسسي منك لإلها...مين هاي؟!.. رفيقتك بالوساخة؟! مو..اكتملت شلتكن ولا في غيركن

فردوس :حكتلك انت فاهم غلط ...انا ماني هيك أبداا
 استغليت صراخهم عبعض وصرت أتزحزح لجنب لأهرب...وصرت أركض ..من غير ماأعرف واجهتي

فردوس : لك هربت...هربت سميرة...الحقها ..الحقها بسرعة وراح تفهم كل شي...أركض قدامها بسرعة .

زوج فردوس : ليك استني...وين حتشردي يا حلوة

سميرة : بعد من قدامي .. بعد

زوج فردوس: لكان خلص هيني مسكتك...لك يسعدلي هالجمال ...فردوس بشو بتلزمكن هالبنت؟!

سميرة : سيب ايدي ...سيبها...اااخ.

كان زوجها غليظ كثير واله كرش كبير والصلعة مالية راسه...ريحة الدخان مملية ملابسه ..شو هالبنى آدم..شكله لحاله بيخوف .

فردوس : يلا امشي لنرجعها عند خالد .

زوج فردوس : شو خالد ما خالد...ماني متزحزح انا وهالحلوة من هون لحتى تفهميني شو القصة .

فردوس : هيك هيك خالد حياخذها فإمشي بلا غلاظة ...بعدين بفهمك .

سميرة : اسمع أخي...أنا هون لحسبات قديمة بتخص أبي المليونير ماإلي فيهن...بس اذا بتتركني بدفعلك شو مابدك ....ايه فكر منيح..بنحكي عن مصاري..

زوج فردوس : مصاري...ايه هيك القصة لكان..وشو يضمنلي انو آخذ مصاري ..

فردوس : لك شو ..ششو مصاري ما مصاري..الله يقطعك مالقيتي غير المصاري تحكي فيهن...وانت امشي معي لنرجعها..عم تكذب عليك هذه صدقني .

سميرة: لاما بكذب أبدا..جرب جرب طلعني وحعطيك شو مابدك...أقلك خليني معك ونطلع من هون وانت اتصل بأهلي واطلب شو مابدك

فردوس : ولك ياأجذب لو معها مصاري كان طلبنا احنا .

زوج فردوس : إيه صحيح ..لو معك مصاري لأخذو هما

سميرة : لا لا...هما ماطلبو مصاري...لانه بدهم يحرقو قلب أبي مابدهن مصاري..بس جكر... انت خذ المصاري الك اذا بدك بس مشيني من هون بترجاك...امشي..بترجاك .

فردوس : سميرة...انتي مابتملكي شي...ولا حتى أهلك ...وهي خالد قرب هياته بيركض .

سميرة : بلا تخبيص...امشي اخي قبل ماييجي خالد...خالد معو سلاح..امشي بسرعة .

فردوس : صار لازم تعرفي انو أهلك مادفعولك فلوس أجار مانطلعك...رفضو يدفعو لانهم بطلو يملكو شي....

سميرة : لا انتي بتكذبي ..اهلي معهن وزيادة..وكمان خطيبي ابن عمي وهو أغنى منا...ايه هو بدفعلي لو حكيته ماتخاف ..بيعطيك مصاريك..

سميرة : ولك حتى خطيبك المليونير رفض..رفض يدفعلك واستغنى عنك.. وحكى انو مابتلزميه بهيك سعر وعمك ما تحرك..خايفين عمصاريهم ومابفرطو بمليم...كلهم استغنو عنك...شو مفكرة حالك!!!!! ..

---------

.....الجزء الرابع 💢💢💢💢

أصعب شعور إنو الكل يستغني عنك بأول لحظة ضيق...
..بس أنا كنت بعرف انو أهلي بطلو يملكو شي...ماعاد الهم شي ...
 وهذا السبب الوحيد الي خلاني أوافق على خطبتي من ابن عمي الي عمري ماحبيته ولا راح حبه....

. خفت على أهلي يتمرمطو بعد ماكانو أهل العز والجاه...أبي ضيع كل مصرياته عالبورصة والرهان... هو بستحق الخسارة... بس أمي مابتستحق أبدا... أمي ست الكل ..امي أحلى شي بحياتي... أمي ...لك آآآآخ يا إمي...

بتعرفو.....ماني متفاجئة من خطيبي حسام ...إيه هو طول عمره جشع مثل عمي وأبي ... بيعبدوا المصاري عبادة ... عمره ماكان شهم بأي تصرف ..
 بحب السيطرة وبس... بحب يكون الملك وبس ..مع إنه شكله الخارجي منيح وفهمان وابن ناس .. بس من جواته مو منيح أبدا الي خلف ما مات..
 ...حتى لما خطبني ووافقت عليه ،،،، كان مفكرني معجبة فيه و بما انو الملك ماحدا برفضلو طلب .... ماكان بيعرف كرهي للأرض الي بيمشي عليها... وموافقتي لاجل أبي وأمي كانت بعد زنهم الكثير علي ...

ام سميرة : شو .. شو بنتي ..أنا مابجبرك على شي..هي حياتك وانتي حرة .

سميرة : ايه امي بس انتو حطتوني بموقف صعب ...كأنه بتحكو بدنا توافقي بدون ماتحطي الحق علينا بعدها..

ام سميرة : شوفي امي مانك صغيرة...انا وابوكي فعلا حيسوء وضعنا أكثر اذا ما وفقتي على حسام ...بس برضو الك حق الاختيار بنتي .

ابو سميرة : لك شو اختيار وما اختيار...شوفي بنتي...سيبك من حكي امك...مافي مثلو لحسام...شب كامل واله مكانته ...وابن عمك ومانو غريب..بعدين بكفي انو حيكتبلك البيت هذا الي رهنته عند أخي...ولا بترضي نتقلع برة بنتي .

سميرة : لاتقول هيك يابي..ماعاش ولا كان الي يقلعكن .

ابو سميرة : شو لكان وافقتي بنتي...الله ينور دربك بنتي...هلأ بكلم اخي وبخبره .
------------------------س
 لك اااااخ عهالحياة....استغناء خطيبي وابوه عني ..وفقر أهلي...كان كفيل بإنو أقعد ساكته وماافتح تمي ...
 كنت أصفن بالحيطان وبس...لك عام يطعموني ويشربوني ويلبسوني ويحترمو وجودي مع انه مااخذه مليم واحد..
.. مع انه ابي كان اله سبب بدمارهم ......بس لانه اصلهم طيب ماعاد يأذوني
 ....بغض النظر عن العلقة الي اكلتها بعد مافكرت أهرب ... شي ضرب وشي كفوف ..

. والأحلى روحي كانت حتطلع بإيد خالد .... وقت كان ابن فريال ماسكني وخالد يضربني كفوف بعصبية .

وفريال وفردوس عنيهم بترغرغ شوي وحيبكو ... أنا ماقدرت امسك لساني
وماخليت حد قاعد الا شتمته ...
 .واخر جملة شتمت امو لخالد ...وحكتلو يلعن البطن الي جابتك انت وياهن...لك يلعن تربايتها... يلعنها وين ماكانت ......

خالد سمع شتيمة امو ونسي كل الدنيا...وحوط ايديه التنتين عرقبتي وصار يخنق فيا .
سميرة : اااااه..ااااه ...تركنييي اختنقت...لك بعدوه عني...بعدووه ..
 سميرة : ليش عم تتفرجو...ااه...ااه..اختنقت ...اااه

خالد : اذا بدك تضلي عايشة اصحك تفكري تجيبي سيرة امي...هاه...عم تفهمي وليه...

سميرة : ايه ايه بس تركني بترجاك...يقطع لساني شو خبص..سيبني امانة ..

بعد ماوجهي قلب ألوان واختنقت عالمزبوط...رخى ايديه وتركني...قعدت عشر دقايق حاول آخذ أنفاسي بعدها...بعدها ماقرب علي نهائيا.....والي 4 أيام محبوسة بلغرفة...حتى فريال ماعاد فيني روح لأقعد جادلها .تعبت من كل شي.. وخالد ماعاد شوفه...وفردوس اعطت جوزها مصاري لتسكر تمه ومايفتن لحد عن الي بيصير .. وابن فريال عام يراقب ابي و خطيبي وابوه . اذا الشرطة قدرت تعرفلهم شي عني ..

عرفت انو القصة بدأت تخلص ... وكل شي حينتهي ... وانو حييجي أبي علبيت ليستلمني مقابل مصاري تداينهن من عمي ....

سميرة : خالة فريال ...بدي أقعد مع خالد شوي .
فريال :---------
سميرة : ايه لا تستغربي...بدي أشوف ابن اختك شوي ...فاهمة علي ؟!
..............س
خالد : ايوة...وهيك قعدتي معي...هاتي لنشوف شو عندك حكي !!
 سميرة : بتعرف...ماعاد فرقت معي...اذا حطلعوني أو لاء...ماعاد تفرق..

خالد :----------
سميرة : ليش ماحكتولي انو ماحدا دفعلي فدية بالاول!!...
خالد :-------
 سميرة : شو نهاية القصة ..ايه...حتاخذو مصاري وينتهي كل شي؟!...ماني مقتنعة انو القصة الها بالمصاري وبس .
 خالد : ... اممم ..ايه كاالها بالمصاري...اصلا المصاري مابتعنيلي شي

سميرة : لكان شو...ليش ابي حيجبلكون المصاري !!
خالد : منشان نقدر نجيبه بإرادته هون مكانك .
 سميرة : شو شو بدك تحبسه مكاني...لا لا بترجاك...خليني هون وانا مابزعجكن بس سيبو ابي بحاله ..

خالد : -------
 سميرة : انت شو بدك من ابي...شو بينك وبينه ..اه احكي .

خالد : المسا بتعرفي كل شي...بكفي بكى..خلي للمسا شوي...فريال رجعيها علغرفة .

-------------------------------------
سميرة : شو شو جاب هذا لهون؟! لك ليش حسام هون!!
خالد : مثل ماابو كي اجى كرمالك...بنجيب حسام وبيجي ابوه كرماله .
سميرة :مافهمت..ليش بدك ايانا كلنا..بدك تخلص من كل العيلة بالله ..
 خالد : عرضنا على حسام يدفع فدية تاني بس مادفع...فجبناه امبارح بالليل

بشحمه ولحمه لعندك...شايفة بالله شو طلعتي بنظره...طلع ماالك قيمة ياحلوة ...
 سميرة : لا انا الي قيمة من يومي...بس هو واطي مثل الي خلفو ...لك تفو عليك...والله لأوريك...

خالد : تعي أكملك المفاجأة..امشي معي...

فتت علغرفة وكان عمي مربط ومسكرين تمه وقاعد عكرسي ...وجمبه محامي العيلة تبعنا برضو مريط....وجمبه...لا لا..مو معقول ..ابي كمان هيك مربطينه ومسكرين تمه...فتت وقعدني عكرسي ....ابن فريال جاب حسام وقعده جمبي كان مربطلو ايديه وراء ظهره ...ومسكر تمه عالآخر...

وهلأ شو حيصير !!! خالد قعد يمشي بينا نحنا الخمسة ويتفحصنا.. ويتكلم بصوت واطي .

خالد : وهلأ بدينا قصتنا...عارفين أنا ميين؟!
ابو سميرة -----
المحامي ------
عمي -------
حسام-------
سميرة -----
خالد : تعي فريال وهاتي فردوس لنبدا الحدوتة..حدوتة قبل الموت .
......
خالد : من شي 255 سنة...كان في رجال شريف كثير...بيشتغل بسيارة اجره...صار معو حادث..ومااات...كان عنده بنت وولد...اضطرت زوجته تشتغل بكل مكان لتسد آجار التكسي الي تدمر للشركة...وتصرف على ابنها وبنتها ...
 بلشت أيام المر والذل والهوان.

..ومن معمل لمعمل ومن بيت لبيت...لحد مااستقرت ببيت مرة ختيارة عجوز...غنية كثييير...بس ابدا هالأرملة مااكانت فارغة عينها...كانت راضية بقضاء الله...مثلها مثل هالعجوز الي قررت توهب أملاكها لدور الايتام ودور المسنيين...وقررت ماتعكي ولادها اي شي...لانه مابتلبق عليهم كلمة اولاد...كان الشجع والطمع والفساد عنوانهم.....

الي صار ...انو قرر الابن الاكبر للعجوز انو يخلص من امه...قبل ماتخلص من فلوسها لبرة.. وماياخذو الورثة ...أبناء عاقين...مواطنين فاسدين...

ساعده الابن الاصغر...وخططو سوا...وانقتلت هالعجوز....توجهت اصابع الاتهام لمين ياترى!!!

ايوووة...توجهت للشغالة الشريفة..الست الارملة الي عام تضحي بشبابها وصحتها من شان ولادها ومنشان تسد الشركة حق التكسي...شركة قاتلة .

...بس الشغالة اتهمت الابن الاكبر والاصغر مع انو مافي اي دليل عليهن...كل الادلة تشير اليها... ماهم حبكوها صح ....مواطنة شريفة..
 .. لحتى اجى محامي وسخ كثير...وقبض هبرة مصاري...وطلعن من اي شبهة...وحط اللوم عالخدامة كقاتلة لها جميع الدوافع للقتل....محامي غير نزيه.

الخدامة...انحكمت بالاعدام...راحت اخت الخدامة تترجى هالاولاد ليرجعو هالارملة لبيتها وماتنعدم لبراءتها.... بس كلمة من هون وكلمة من هون...راح الابن الاكبر هجم عليهم وبدبسة جمبه ظل يخبط فيها عراسها ودينيها لنطرشت خااالص وبطلت تسمع..

..القاضي...حكم بالاعدام والتنفيذ...بس هو حكم باطل...لانها بريئة...قاضي غير نزيه..
 ..ولانه القانون مابحقق العدالة دايما...فالخدامة انعدمت بحبل المشنقة وهي بريئة وتركت بنت وولد ينهشهن الزمن وياكلهم اكل....انحرمو من امهم مثل ماانحرمو من بيهن...كانو محتاجينها كثير...
 الموضوع وضح لإلكن..

..وانعرف مين الابن الاصغر و الاكبر..ومين المحامي الغير نزيه. ونسي انه قسم اليمين ليدافع عن المظلومين..

.اما فريال فهي اخت الخدامة الشريفة..وانا.....وانا ابنها لهلبطلة...بطلة القصة...وفردوس الطفلة التانية

وهلأ...اجيتو كلكم لمحكمتي...انتو المتهمين. وانا القاضي النزيه...وصار لازم تنفذوا حكم الاعدام لنفسكن وبإيديكن....راح تقتلو بعض بهذا المسدس...فردوس...بتتوقعي شو الخطة الي حطيتها ليقتلو بعض!!!
----------

الجزء الخامس💢💢💢💢

💢
 أنا ابي الباشا المليونير الحاصل على مراتب عديدة بالشرف...بكون هو الابن الأكبر...الي خطط ليقتل أمه منشان ورثتها الكثيرة...

قتلها حتى ماتبعت مصاريها للبيوت الخيرية...
بحياتي ماتوقعت إنو يربيني قتال قتلة...
مو يربيني وبس!!
لك طلعت أنا بنته كمان...بنته للقاتل ...والمقتول مو أي شخص...المقتول بكون جدتي أنا...ايه..امها لأبي...شفتو كيف الحقيقة القذرة... الاقنعة كلها سقطت وانكشفت حقيقة الوجوه..

شو بكون شعور الواحد وهو بقتل أمه...ليك كيف بكون عايش اصلا.!!!.
..معقول مابتجيه كوابيس ليل نهار...
..معقول لما يلبس وياكل ويشرب من ورثتها مابتذكرها..!!
.مابتذكر كيف حطلها السم لتموت ، وهي بتفاعص وبترتمي عالأرض....
 .معقول مابيحس بشي...مابيحس بحقارة نفسه ...

إيه هو أبي وكان تاج راسي ....بس مافي أي مبرر يسمحله يقتل أمه...وشو المبرر ..المصاري..لك يلعن أبو المصاري الي بتخلي الواحد هيك يعمل بأقرب الناس إله....

بدكم الصراحة....المصاري مابتخلي الواحد يخطط أيام وأيام ليقتل أمه بهيك طريقة برفقة أخوه الي بعبد المصاري...،،، ايه ماتستغربو...الشخص الي بعمل هيك بكون أصلا بلا أخلاق ،، بلا احترام ،، بلا دين من الأول...وحبهم للمصاري كمل على قلة أصلهم ...

كيف كيف قدر يعمل هيك هو وعمي...عمي أبو حسام...من أقذر الناس على الأرض... يحتل المرتبة الأولى بإستغلال الناس وقت حاجتهم...

لك حتى أبي...استغل ابي وقت خسر مصاريه بالبورصة،، ورهن بيتنا مقابل مصاري أعطاهم لأبي..وابنه حسام مابيفرقه كثير...

.. لك يا عيب الشوم على هالعيلة...لك ياعيب...
 بس أنا شو ذنبي...أنا شو..

خالد بده يحرق أبي ويدمره...والشخص ضناه أغلى منه.. وجرح ضناه بجعه كأنه هو المجروح وأكثر.....من هذا المنطلق خالد خطفني ليولع أبي ويشتته ويحرق قلبه .. ويخليه ييجي برجليه مع شوية مصاري...المهم جية ابي برجليه ليتحاسب..

بس خالد غلطااان كثيير...ايه غلطان...
لأنو مابيعرف انو الي بيقتل أمه بتهون عليه بنته و غيرها....
ايه الي بيقتل امه مابكون عنده قلب ليحس ..
لك ااااخ... شو هالحياة...شو هالناس الي طلعت عايشة معهم...

بس أبي وعمي ماكفاهم القتل...ماكفاهم قتل روح وحدة .... خلو كل الأدلة تشير للخادمة..ماهي أرملة وفقيرة وعندها اولاد تجري عليهم...هذا لحاله دافع قوي للقتل...
 هذا غير انو مافي غيرها بقعد مع الختيارة من أشهر طويلة وهي الي بتطعميها وتشربها.

..وحكي كثير من المحامي وورق واسنادات....خلا القاضي يحكم بالاعدام مباشرة ...القاضي ماكان عنده شك للحظة انو هالأرملة بريئة...

لا و كمان أذو اخت الأرملة وطرشوها لما راحت تتوسل وتطلب العفو عن اختها.....دمروهم كلهم.
..شفته كيف المجرمين ...عندهم اروح الناس ولا أسهل...
 يوم الاعدام...ماماتت الارملة وبس....

ابنها وبنتها كمان ماتو ... ايه يوم انحرمو من امهم ماتو..
 يوم ماضل عندهم حد غير خالتهم ..ماااتو..

يومها مات ضمير أبي وعمي..

وماتت ستي وهي غضبانة على أولادها..

مات ضمير المحامي الي بسببه وبسبب أمثاله كثير ناس بريئة انظلمت...

ماتت نزاهة القاضي..الي كان لازم يكون عادل..
 بحياتي مافكرت انو القانون ممكن يكون ظالم...ويطلع حكم باطل...بس شكلي كنت جاهلة كثير..

كل شي مااااات...كل شي ماااات..
 بسبب الحكم الباطل كل شي مات...

..كان لازم خالد يزتهن بالسجن كلهم...ويعيد محاكمتهم ويكونو عبرة ويرجع قيمة امه..
..بس هو أصر انو يكون القاضي..مو حد تاني...
 والمحكمة والحكم والتنفيذ بهذه الغرفة.

كلهم مربوطين ايديهم وراهم ،،ماعدا أنا...
 قاعدة مثلهم عالكرسي ..كأنا بنلعب لعبة وقاعدين عشكل حلقة..وخالد بالنص واقف..

مشية خالد بيناتنا كانت رعب...موووت...
 راح يقتلهم كلهم..هو بستنى هاليوم من سنين...معقول يقتلني معهم...ولا أنا لاء!!

خالد مانو مجرم..خالد بينتقم لامه وللأيام الي ضاع فيها...خالد طلع أكثر واحد شريف فينا..
 ؛؛----------:------:-----:------

خالد : إيووووة مالكم فتحت عيونكم على آخرها...ايه حتطلكم خطة لتموتو كلكن..

ابي وعمي والمحامي وحسام...صارت عيونهم مثل الجمر ووجهن يقلب ألوان وبياخذو انفاسهم بصعوبة..
 .حاولو يتكلمو بس كان يطلع صوت مهمهة وأنين لانه تمهن مربط عالآخرر..

خالد : ايه شو مالكن توترتو هيك...ناس مثلكن شو بدها تكون نهايتهم غير هيك...مابيلبقلكن غير هيك...حتى جثثكم ماراح ينعرفلها مكان .
.؛...........
 خالد : حتى انتي ياسميرة ...راح تتعاقبي..بس مو أنا الي بأذيكي...أعوذ بالله...ايه..هما حيقتلوكي .

سميرة : ماعاد يفرق معي شي...بدك تقتلني اقتلني..بدك تطلعني طلعني...بطلت تفرق..حتى لو طلعت مارح أنسى جريمتهن الوسخة .

خالد : ايوة شو هالحكي..كرهتيهم لاهلك بشوف..ولا بتحكي هيك منشان أتركك طالما يأسانا من الحياة ؟!! وبس أقتلهم هما؟؟

سميرة : صدقني أنا كرهت كل شي وبطلت فارقة معي..هياتنا كلنا عندك ..شو بدك ساوي ..

خالد : طبعا حساوي شو مابدي..هلأ بنشوف .

أبي صار يحرك جسمه بلقوي ويجحر بعيونه علي.. ويحاول يتكلم ..بس ابدا مازبط معو ..

خالد : قومي شوي سميرة..بدي أزبط موقعك ..
خالد : ايوة هيك تمام .
سميرة : شو ليش قعدتني قبال حسام بلزق ووجهي بوجهه !!
خالد :-------
........
الصمت ساد المكان...والكل بينتظر تفسير لهلمشهد الغريب..
 ..شو الفكرة من انو اقعد انا وحساام قبال بعض ومابينا غير طاولة صغيرة ربع متر..حطها خالد بيناتنا .

سميرة : بتعرف خالد..انا فعلا مافارق معي اذا راح موت هلأ ...بس الي فارق معي أمي...وصلها سلامي..وقلها انو كان نفسي أشوفها ..

خالد: ابن خالتي...فكلي ايد حسام اليمين ..
 ابن فريال : ماشي..وهي فكيتها .

خالد : وفكلي فم أبو سميرة وأبو حسام..
ابن فريال : ماشي .
؛--------؛------؛----
 ........ وقفت فردوس وراء ابي وعمي والمحامي.. وكانت مصوبة مسدس على راسهم حتى مايتحركو...اصلا مربوطين عالآخر صعب يتزحزحو ...وبعد ما انفك تمهم مانطقو حرف من الخوف ...

..وابن فريال وقف وراي وصوب مسدس على راسي..حسيته نخز راسي نخز ...

وخالد وقف وراء حسام ..وحط المسدس في راسه حتى مايتحرك أو يعمل أي حركة غير متوقعة بعد ماانفكت ايدو...

كلنا متصوب عراسنا المسدس..
 ..راح يقتلونا مرة وحدة....راح نموت مع بعض..بس شو ذنبي أموت مع هدول المجرمين وتضيع جثتي وتختفي !!!....

ذنبي هو نفس ذنب أم خالد...ماعملت شي وانعدمت عحبل المشنقة الي بينعدمو فيه مجرمين....
 كل حياتي كل لحظاتي مع امي مشيت قدامي بلحظة ...صار دموعي مثل الشلال..بس ماحكيت حرف..
💢💢💢
..بس الي صار شي تاني خالص...ماقتلونا مرة وحدة...خالد مابده هيك يعمل...كان يوتر أعصابنا كثير ..لحد مااجت فريال لعندي...وحطت مسدس عالطاولة الي بيني وبين حسام .

سميرة : شو شو لشو هاد!!

خالد: الي حيصير كالآتي...هالمسدس الي بينكم محشي طلقة وحدة بس.. معشق وجاهز ..

.. واحد منكم انتم الاثنين راح يطخ التاني .
..وبعد مايطخه راح يطلع من هون هو وأبوه ،،،،،
 والباقي راح يموتو وتختفي جثثهم ...

واذا حاول حد فيكم يتذاكى ويساوي شي حركة..بالمسدس الي عراسه راح يتقوص وكل الي بلغرفة... حيتقوصو مرة وحدة وتموتو سوا..

هاي لعبتي أنا وانا القاضي الي حكمت فيكن...
راح عد للعشرة...اذا ماحدا بيمسك المسدس ويقوص الثاني ...راح اطخكم كلكم سوا براسكم...
ياترى مين حينقذ حاله ويطلع هو وبيه من هووون ويرجعو يعيشو حياتهم مثل أول...ويموت الباقي!!!
 سميرة : لا لا...انت بتعرف..انا مستحيل أقتل حد..ليش هيك بتعمل .

خالد : ليش صعب القتل!! ماابوكي قتل قبل هيك..هالشي اكيد عادي صار..

سميرة : بس أنا ماني مثله...انا مو مثل أبي...لا تعمل هيك..
 خالد : راح عد للعشرة ...والي بقتل التاني اله الحرية ومابقرب عليه...عقابه انو قتل غيره وبس...المسدس عالطاولة..حد ياخذه ويضمن حريته هو وبيه ...يلا .

سميرة : لك لا لا ماتعمل هيك .

ابو سميرة : بترجاك سيب بنتي..ههي ماعملت شي..انا السبب مو هي .

خالد : مافكيتلك تمك حتى تتكلم...اخرس ولا ك---لمة بدي أسمع ...
خالد : جاهز ابن خالتي..
ابن فريال : ايه تمام .
خالد :فردوس؟
 فردوس : ايه اخي جاهزة .

خالد : ..واحد ...
اثنين ...
ثلاثة...
 ابو سميرة : بترجالك لاتعمل هيك..حطني بدل بنتي..انا الغلطان مو هي ..

خالد : دورك جاي لا تقلق .. ماعندك حكي ابو حسام؟!
ابو حسام :------
خالد : اربعة
....خمسة ..خالتو شكلهم حيموتو كلهم..
ستة.... واحد يطخ التاني ويضمن حريته..
سبعة...
 ،،،،،،، لما خالد حكى سبعة كان جسمي كله مقشعر وميتة من البكي...وابي بيطلع فيا وبيودعني لنموت كلنا...اااه مااصعب اللحظة ..
خالد : ثمانية..
 ....اول ماحكى ثمانية ..خالد وابن فرياا عشقو المسدسات وصارو. جاهزين ليضربو نار وتطلع االرصاصة....وقتها غمضت عيوني وياريت ماغمضت ...
 خالد : تسسعة...ايوة هيك..

لما حكى ايوة هيك ...استغربت...فتحت عيوني..
لالالا مومعقول...مستحيل هيك...
لقيت حسام ماسك المسدس ومصوب ناحيتي...
 لك اه...بده يطخني ويفل هو وأبوه...راح موت انا وابي وهو يطلع...الاناني الواطي...

صوت عياطي زاد...صرت ابكي أكثر على هالموقف...
 ابو سميرة : لك ياغبي..هاي بنت عمك..بدك تقوصها...لك خطيبتك مرتك...لك سييبها...رجع المسدس...احكي شي ابو حسام. .

خالد : ليش مستغرب!! ماانت عملت نفس الشي بأمك...ماانت قتلتها وهي امك..فليش حسام مايقتل بنت عمه...بعدين ابوه موافق...طلع اخوك باعك بلحظة وموافق تموتو ..
ابو سميرة :  اخي..لا اخي..بتترجاك خلي ابنك يبعد المسدس عن راس بنتي..انت احكي هو حيسمعلك..شوف حسام دموعه نازلين..احكيلهه اترك المسدس وعطول بتركه .
ابو حسام :--------
 خالد : ياالله...شوف حالك مثل الطير المذبوح..سنين بستنى. هاللحظة......

خالد : اذا بحكي عشرة وانت ماطلقت النار راح قوصك عطوول..فاهمني..يلا طخها ..
سميرة : ااااه لك لا لا تعمل..ااه..لاتعمل هيك .
خالد : عششش
 ...غمضت عيوني...بس حسام طخ بالمسدس..سمعت اخر شي صوت ابي بينادي بنتتتتي سمييرة

نا متت حسام طخني..بس ماني حاسة بالوجع وصوت الرصاصة كان كثير واطي..وأبي سكت فجأة...
....
 ..لك انا مامتت...أنا بعدني عايشة...فتحت عيوني...لقيت حسام بيتفحص بالمسدس ومستغرب ووجهه جايب الوان ..لك طلع مافي المسدس رصاص اصلا....خالد ماحط رصاصة..خالد كان عارف انو حسام راح يقوصني..ماكان بده ياني موت لاني بريئة..

خالد : هههههههههه ...اااه هههههه..لك شو طلع القتل سهل عندكن...لك شو هاد..مافي دم عندكن مافي احساس..الارواح لعب عندكن ....

اطلعت على حسام بقرف... وصوت ضحك خالد قشعرلي بدني..لك ارتعبت وكنت مفكرة حالي متت...مع انو كان مو فارق معي ...بس اخر لحظات قبل مايقوص حسام..عرفت شو الحياة غالية...عرفت شو يعني تكافح لتعيش...

حسام توتر وصار يطلع فيني بخوف..عرف انو خالد ماعاد يطلعه برة....
 هجمت عحسام...ووقع هو والكرسي عاالأرض وانا كنت فقيهم..وبلشت أخبط في حسام لك كان حيقتلني...صرت اعطيه كفوف عوجهه وشفره تشفيير ...

سميرة : لك يا واطي يا حيوان...بدك تخلص مني لتطلع برة..بدك تموتني..بدك شو..مادفعت فدية علمرتين...كمان هيك اطخني...لك الله لا يوفقك..لك الله ياخذك...

حاول خالد يقومني ويبعدني ....بس انا كنت ملزقة فوق حسام وبضرب فيه وسيلتله دم من وجهه....بصعوبة خالد وابن فريال كانو يشدوني ويحاولو يبعدوني عنه ..المسدس وقع من ابن فرياال وهو بشدني....

شافه ابو حسام...وحاول يستغل الموقف وحالة الفوضى الي صارت لانو فردوس كانت بتطلع علينا ومو مستعدة لتقوصه بالمسدس الي معها...

ابو حسام ايديه مربطين لوراء..قرب يرمي حاله عالمسدس لياخذه بإيديه....بس أول ماقام شوي...خالد قوصه برجليه وايديه 3رصاصات
 ..وارتمى عند رجلين ابي...والرصاصة الرابعة كانت بركبة ابي ..

المحامي ضل ساكت ولا كأنه موجود....وفريال صارت تبكي كثير...وابي يصرخ هو وعمي من الوجع..وحسام وجهه بينزف دم..

.ااكييد مو هذا العقاب الملائم الهم.... بس لانو خالد ابن أصل مارضي يرتكب خمس جرائم قتل ..وكمان حتى ما ينعدم مثل امه..
.
 ومع انه كان مابيؤمن بعدالة القانون...بس كان حطط جهاز تسجيل بلغرفة ..واتسجل كل كلام ابو سميرة وهو بيحكي انو غلط لما قتل امه واتهم الأرملة...وكل كلمة بالغرفة تسجلت.

خالد كان مجهز ورقه هو والي معاه ليهاجر على أوروبا كلجوء سياسي او ماشابه...مثل الناس الي تركت البلاد بسبب الحرب والقصف واستقرت برة...واخذ ولاد فردوس بالقوة..وترك جوزها بالشام...هيك فردوس بدها بشكل مبدأي ..

..كان ممكن ينحبس خالد بتهمة الخطف والشروع بالقتل والمسدسات الغير مرخصة.

ضيعة خالد ماكان فيها اي حرب بس هم سافرو ليستقرو برة ...و لهيك بعد ماكلمت الشرطة والاسعاف بالموبايل الي اعطاني ياه خالد اجو عطوول.

..هو حكالي اتصل بالنجدة بعد مايطلعو بربع ساعة.... واجو لياخذوهم...هم وجهاز التسجيل الي رفضت اسمع كلام ابي الي بينازع وكسره.
 ايه ..خليته ليتحاكمو كلهم...القتل مانو سهل ابداا لياخذو براءة...

هيك الحياة الصح....لازم يتحقق العدل فيها..
مع انه خالد ماعمل الشي الي بستحقه ابي وعمي والمحامي وحسام...
.الناس السيئين لازم تخلصي منهم بالبكير وماتتعاملي معهم .
 ..بكل موقف بحياتك بصير حاولي تكافحي حتى ماتنظلمي....حققي العدالة لنفسك ولغيرك..ببيتك ..بعملك.. بالشارع..بأي مكان..ماتتركي الظلم ..كوني رادعة للظلم دائما ..

رجعت لأمي...كنت مشتقالها كثييير....كانت مرضانة بسببي...وزرنا ابي مرة وحدة بعد ماانحكم عليه بالمؤبد مع عمي ..وبعدها هو رفض حد يزوره لانه حس بخطأه...
.
حسام انحكم عليه شي بسيط بتهمة التستر على مجرم.. بالتحقيق عرفو انو عارف بالجريمة الاولى ..

.المحامي برضو اخذ حكم وبطل محامي وناس كثير صارت تطعن بقضايا كان واقف فيها ضد الحق...

بتذكرو المصاري الي ابي جابهن واخذهن خالد...هو تركلي جزء بسيط منهم لندبر حالنا...دفعت هذا الجزء لناس زبطولنا ورقنا وهاجرنا انا وامي على أوروبا برضو....حاليا بدي اسجل للماستر وكمل طريقي..

بس كل يوم بمشي بشوارع في اوروبا على أمل اني أشوف خالد هنيك....ايه يمكن تستغربو...بس خالد منيح كثير..بكفي تركلنا شي نسافر فيه
..
 .بتأمل أشوفه....حتى احكيله شكرا كثيير...شكرا لانك اعطيتني درس كبير...وحققت جزء من العدل...

بستأذنكم بدي اروح اعطي ماما الدوا قبل مانتمشي بشارع الحي الي جمبنا بركي اشوفه بطريقي..

بقلم الكاتبة / نسرين عطايا رجب أبو زر 

10/3/2017